Tashkent Botanical Garden named
after academician F.N. Rusanov

Botanika bog‘ida direktor lavozimida ishlagan xodimlar

Rusanov Fyodor Nikolayevich

(29.05.1895 -1.02.1979)

Introduktor, xomashyoshunos, sistematik, florist, O‘zbekiston fanlar akademiyasi akademigi, biologiya fanlari doktori, professor.

1895-yil 29-mayda Kamenka (Chelyabinsk)da tug‘ilgan. 1927-yil Omsk qishloq va o‘rmon xo‘jaligi institutini tugatgan. 1926-1929-yillarda SSSR Fanlar akademiyasining Leningraddagi Qozog‘iston ekspeditsiyasining botanigi, 1929-1934-yillarda Moskvadagi Butun jahon eksperimental tibbiyot institutida botanik, 1950-1978-yillarda Fanlar Akademiyasi Botanika bog‘i direktori. 1936-yili nashr etilgan ilmiy ishlari yuzasidan nomzodlik va 1941-yili “Markaziy Osiyodagi juzg‘un turkumi turlarini kompleks o‘rganish tajribalari” mavzusida doktorlik dissertatsiyalarini himoya qilgan. 200 dan ortiq ilmiy ishlar muallifi. Asosiy ilmiy ishlari o‘simliklarni introduksiya va iqlimlashtirish muammosiga tegishli. Ushbu muammoning nazariy asoslarini ishlab chiqishga hissa qo‘shgan. “O‘zbekiston F.A. ning Botanika bog‘ida iqlimlashtirilgan do‘lanalar”, “Markaziy Osiyo sharoitida o‘simliklarni ko‘chirib o‘tqazishning nazariya va tajribalari”, “Markaziy Osiyo juzg‘unlari”, “Evrosiyoda yovvoyi kenderlar” va ‘‘O‘zbekiston dendrologiyasi’’ ko‘p jildli nashri ma’sul muharriri. O‘zbekiston Fanlar Akademiyasi Botanika bog‘i tashkilotchisi. Hozirgi kunda Toshkent Botanika bog‘i O‘zbekistonda o‘simliklarni introduksiya va iqlimlashtirishga hamda botanika bog‘ining gullab yashnashiga o‘zining umrini bag‘ishlagan inson Fyodor Nikolayevich Rusanov nomi bilan ataladi.

Usmanov Ahmed Usmanovich

(1911-1989)

Dendrolog, geobotanik, biologiya fanlari doktori.

Ish faoliyatini 1937-yili Fanlar akademiyasining O‘zbekiston filialidagi Botanika institutida ilmiy xodimlikdan boshlagan. 1946-1949- yillari O‘zRFA Botanika bog‘ida aspirant, 1949-yildan, 1951-yilgacha O‘zRFA Botanika institutida kichik ilmiy xodim, direktor va ilmiy maslahatchi bo‘lib ishlagan. 1951- yili “Angren daryosi tog‘li qismi havzasining o‘simliklar qoplami” mavzusida nomzodlik va 1966-yili “O‘rta Osiyoning yovvoyi va ma’daniy teraklari” mavzusida doktorlik dissertatsiyalarini himoya qilgan. A.U. Usmonov 120 ga yaqin ilmiy va ilmiy-ommabop asarlar yaratgan. “O‘zbekiston dendrologiyasi” (Toshkent:1971), “O‘simliklarni introduksya qilish va ko‘kalamzorlash” (Toshkent,1971), “Dendrologiyadan o‘qish kitobi” (Toshkent,1976), “O‘rta Osiyoning daraxt va butalari” (Toshkent,1974) shular jumlasidandir.

Ilmiy izlanishlari teraklarning biologiyasi, ekologiyasi va o‘rmon xo‘jaligida tutgan o‘rnini aniqlashga qaratilgan. A.U. Usmonov tez o‘sadigan terak turlari va duragaylarini ishlab chiqarishga keng joriy etdi.

A.U.Usmonov 1978-26.02.1985 yillarda O’zbekiston Respublikasi Fanlar Akademiyasi Botanika bog’i direktori lavozimida ishlagan.

Zokirov Pulat Qodirovich

[15.01.1932 -21.12.1993]

Geobotanik, xomashyoshunos, ekolog, biologiya fanlari doktori , professor, O‘zRFA ning muxbir a’zosi.

1932-yil 15-yanvarda, Qirg‘izistoning Jalolobod viloyatida tug‘ilgan. Geobotanik, 1989-yilda O‘zbekiston Fanlar Akademiyasi muxbir a’zosi, 1971-yilda biologiya fanlari doktori, 1983-yilda professor unvonini olgan. 1