Botanika bogʻi haqida ma’lumot
Botanika bog'i Toshkentning janubi-sharqiy qismida joylashgan bo'lib, maydoni 65 gektar bo'lgan alohida ekotizim hisoblanadi. U tirik o'simliklar to'plamiga (genofond) ega va mamlakatdagi eng noyob ob'ekt sifatida baholanadi.
Botanika bog'ida xozirgi kunda 43 gektar dendrariy, 5 gektar manzarali pitomniklar, 1 gektar tropik va subtropik o'simliklarning oranjereyasi, shuningdek issiqxona va 16 gektar ixotazor daraxtlar mavjud. Dendrariy o'simlik dunyosini tabiiy mintaqalarga bo'lib o’rganishga asoslangan holda tashkil qilingan (Engler tizimi bo’yicha).
Botanika bog'ida 10 km dan ortiq asosiy yo'laklar mavjud. Qishki bog’ (oranjereya) laboratoriya binosi bilan birgalikda 6 ta blokdan tashkil topgan 1200 m2 maydonni o'z ichiga olgan. Botanika bog’i issiqxonasi qishda ham tropik va subtropik o'simliklar kolleksiyasi bilan o’z yashilligi va ko’rkamligini saqlab turadi.
Hozirgi kunda Botanika bog'ida 3 ta ilmiy laboratoriya mavjud bo'lib, ularda 20 ta ilmiy xodim ishlaydi. 2 ta fan doktori, 10 ta fan nomzodi, 7 ta kichik ilmiy xodim. So'nggi 3 yil ichida 1 ta doktorlik va 4 ta nomzodlik dissertatsiyalari himoya qilindi va ushbu tadqiqotchilar tadqiqot ishlarini samarali davom ettirmoqdalar.
Botanika bog’I faoliyati, uni rivojlantirishning ustuvor yo’nalishlari Fanlar akademiyasi rahbariyati va Innovatsion rivojlanish vazirligi tomonidan tizimli ravishda amalga oshirib kelinmoqda.
Tibbiyot va farmatsevtika sanoatini dorivor o'simliklar bilan tabiiy o'simlik populyatsiyasiga zarar etkazmasdan xomashyo bilan ta'minlash uchun dorivor o'simliklarni ko’paytirish bo'yicha botanika bog'ida olib borilgan tadqiqotlar sog'liqni saqlash tizimida samarali natijalar bermoqda. Dekorativ o'simliklarga oid ilmiy tadqiqotlar shahar va bog'larni, shahar infratuzilmasini va atrof-muhit sharoitlarini yaxshilashda muhim rol o'ynaydi. Botanika bog'i ekspozitsiyalarida yetishtirilgan mahalliy va chet el o'simliklari ta'lim tizimida yoshlarning ekologik tarbiyasini shakllantirishda o'ziga xos o'rin tutadi. avlodlar, tabiatga bo'lgan munosabatini ijobiy o'zgartirishda muhim hisoblanadi.
Botanika bog'ining har bir xodimi o'z ishiga mas'uliyat bilan yondashishga intiladi. Tashkilot faoliyatidagi barcha o'zgarishlar va yangiliklar ommaviy axborot vositalarida muntazam ravishda e'lon qilinadi. Biz flora va Botanika bog'iga befarq bo'lmagan har bir shahar aholisining fikrini qadrlaymiz.
Bir so'z bilan aytganda, Toshkent botanika bog'ining poytaxtning ekologik holatini, havo tozaligini, biologik xilma-xilligini va o'simliklarni muhofaza qilishdagi o'rni beqiyos. Toshkent botanika bog'i xodimlari bebaho boyligimiz bo'lgan o'simlik dunyosini muhofaza qilish va asrab-avaylashda o'z hissalarini qo'shishda davom etadilar.
