O'tkir bargli padub
O‘tkir bargli padub (Ilex aquifolium L.) Падуб остролистный
O‘tkir bargli padub G‘arbiy va Janubiy Yevropa, Shimoliy - G‘arbiy Afrika va Janubiy - G‘arbiy Osiyo hududlarida tabiiy tarqalgan. Balandligi 15-20 metrgacha eni 30 smdan 80 smgacha yetadi. Doyimiy yashil sekin o‘suvchi va chiroyli gullovchi daraxt. Po‘stlog‘i kulrangdan yashil rangacha, mavsumga qarab o‘zgaruvchan hamda tanasi silliq. Barglari novdada navbatma-navbat joylashgan. Barglari tuximsimon yoki elliptiksimon tikonli, barg ustki tomoni silliq to‘q yashil yaltiroq. Bargining pastki qismi och yashil rangda uzunligi 5-12 sm, kengligi 2-6 sm, qirrali ozroq egilgan. Gullari bir uyli ikki jinsli, asosan shamol va xashoratlar yordamida changanadi. Gullari mayda ko‘zga ko‘rinmas oq rangda. Mevalari diametri 6-10 mm bo‘lgan qizil, sariq yoki to‘q sariq sharsimon shaklga ega. Mevalarida 3 tadan 5 tagacha urug‘lari mavjud. O‘tkir bargli padub may-iyun oylarida gullaydi, mevalari sentabr oyida pishib yetiladi ammo fevral oyigacha mevalari shoxlarida saqlanib turadi. Juda sekin o‘sadi, yiliga 10-12 sm va 100 yilgacha yashashi mumkin. O‘simlikning kimyoviy tarkibi oziga xos bo‘lib, barglari va mevalarida teobromin alkaloidi, shuningdek rang beruvchi modda rutin mavjud.
Toshkent Botanika bog‘iga Ilex aquifolium L. turning urug‘lari 2002-yilda introduksiya qilish maqsadida olib kelinib ko‘chatxonalarga ekilgan. Urug‘lardan ekilgan nihollar 2002-yilning bahor oyida unub chiqqan va yosh nihollari 5.12.2002-yilda Yevropa-Qrim-Kavkaz ekspozitsiyasiga ko‘chirib o‘tkazilgan. Hozirgi vaqtda ekspozitsiyada ushbu turning 3-ta butasi o‘smoqda.
